+
+

हिमालयन डिस्टिलरीको लाभांश घोषणा, बोनसमात्रै ७५ प्रतिशत

अनलाइनखबर अनलाइनखबर
२०७८ पुष ७ गते ११:२०

७ पुस, काठमाडौं । हिमालयन डिष्टिलरीले शेयरधनीहरुका लागि बम्पर लाभांश घोषणा गरेको छ । कम्पनीले आफ्ना शेयरधनीहरुका लागि गत वर्षको सञ्चित मुनाफाबाट शतप्रतिशत लाभांश घोषणा गरेको हो ।

मंगलबार अपराह्न बसेको कम्पनीको सञ्चालक समितिले ७५ प्रतिशत बोनस शेयर र २५ प्रतिशत नगद लाभांश गरी १०० प्रतिशत लाभांश वितरण गर्ने निर्णय गरेको हो ।

कम्पनीले लाभांश पारित गर्न पुस २८ गते बुधबार रजिष्टर्ड कार्यालय वीरगञ्ज पर्सामा साधारण सभा आह्वान गरेको छ । सभाका लागि कम्पनीले पुस १६ गते शुक्रबार बुकक्लोज मिति तोकेको छ । १५ गतेसम्म कायम शेयरधनीहरुले घोषित लाभांश पाउनेछन् ।

यस कम्पनीको शेयर मूल्य मंगलबार २ प्रतिशतभन्दा धेरैले बढेर ६ हजार ५ सय २८ रुपैयाँ पुगेको थियो ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?