१५ पुस, काठमाडौं । अभिनेत्री शिल्पा मास्के केही समयको ब्रेकपछि चलचित्र ‘कठपुतली’मार्फत दर्शकमाझ आउँदैछिन् । शुक्रबारदेखि रिलिज हुन लागेको यो चलचित्रको बुधबार काठमाडौंको बिग मुभिजमा प्रिमियर गरिएको छ ।
प्रिमियर समारोहमा शिल्पा रातो रंगको पहिरनमा आकर्षक भएर पुगेकी थिइन् । उनी चलचित्रको प्रचारको अन्तिम क्षणमा दौडधुप पनि गरिरहेकी थिइन् । यसैले चलचित्रमा उनको भूमिकालाई लिएर चलचित्रकर्मी, दर्शक र सञ्चारकर्मी पनि उत्साहित छन् ।
तर, चलचित्र हेर्न हलमा पुगेका चलचित्रकर्मी र सञ्चारकमीले भने चलचित्रभित्र उनलाई लामो समयसम्म खोजिरहनुपर्यो ।
चलचित्रमा शिल्पा मास्केका लागि निर्देशक र लेखकले छुट्टाएको भूमिका बेजोड छ । तर, पर्दामा निक्कै कम मात्र देखिने भएकाले पनि उनलाई चलचित्रभित्र खोज्नुपर्ने अवस्था छ ।
मिथिला शर्मा, कर्मा र उषा रजक हाबी भएको चलचित्रमा शिल्पा हराएझैं देखिन्छ । उनका लागि भने यो चलचित्र ‘कागलाई बेल पाक्यो हर्ष न बिस्मात’ जस्तो बन्ने देखिएको छ ।
प्रतिक्रिया 4