+
+

बास्केटबलको फ्रेन्चाइज लिग हुने, ८ टिमले प्रतिस्पर्धा गर्ने

अनलाइनखबर अनलाइनखबर
२०७८ पुष २७ गते १७:१७

२७ पुस, काठमाडौं। नेपाल बास्केटबल संघ (नेबा) र टर्नपाइकको संयुक्त आयोजनामा पहिलो पटक फ्रेन्चाइज बास्केटबल लिग हुने भएको छ ।

पहिलो पटक राष्ट्रिय स्तरको फ्रेन्चाइज बास्केटबल लिग हुन लागेको र यसको नाम नेशनल बास्केटबल लिग नेपाल रहेको संघले मंगलबार विज्ञप्तीमार्फत जनाएको छ ।

लिग फ्रेन्चाइज कम क्लब मोडलमा आयोजना हुने र ८ फ्रेन्चाइज क्लबले प्रतिस्पर्धा गर्ने संघले जनाएको छ ।

बास्केटबल खेल र खेलाडीको विकास गर्नुका साथै व्यावसायिक बास्केटबल खेलाडीहरुले प्रतिस्पर्धा गर्ने थलोको रुपमा लिग रहने संघले जनाएको छ । यसबाट उत्कृष्ट प्रदर्शन गर्नेहरुले नेपाललाई अन्तर्राष्ट्रिय स्तरमा प्रतिनिधित्व गर्ने पनि संघको भनाई छ ।

संघले लिगको मिति भने सार्वजनिक गरेको छैन ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?