+
+

महोत्तरीबाट स्रोत नखुलेको ३० लाख नगदसहित एक जना पक्राउ

अनलाइनखबर अनलाइनखबर
२०७८ माघ ३ गते १७:४०

३ माघ, जनकपुरधाम । महोत्तरी प्रहरीले स्रोत खुल्न नसकेको नगद ३० लाखसहित एक जनालाई पक्राउ गरेको छ । पक्राउ पर्नेमा मटिहानी नगरपालिका-३ बर्दाहा बस्ने २३ वर्षीय मो. सहाउद्दिन छन् ।

ज ६ प ६९४४ नम्बरको मोटरसाइकलमा सवार भई भारतबाट नेपालतर्फ आउँदै गरेका उनलाई मटिहानी नगरपालिका ८ मा चेकजाँच गर्दा रकम बरामद भएको महोत्तरी प्रहरीका प्रबक्ता एवं डीएसपी प्रकाश बिष्टले जानकारी दिए ।

सहाउद्दिनले पछाडि पिठ्यूँमा बोकेको कालो रंगको झोला भित्र राखेको हजार रुपैयाँको २८ बण्डल र ज्याकेटको खल्तीमा राखेको २ लाख नेपाली रुपैयाँ गरी कुल नेपाली रुपैयाँ ३० लाख बरामद भएको प्रहरीले जनाएको छ ।

रकमसहित पक्राउ परेका उनलाई आवश्यक कारबाहीका लागि जलेश्वर भन्सार कार्यालय पठाइएको प्रहरीले जनाएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?