२४ माघ, काठमाडौं । भारतले वेष्ट इन्डिजलाई पहिलो एक दिवसीय अन्तर्राष्ट्रियमा ६ विकेटले पराजित गर्दै आफ्नो एक हजारौं ओडीआई खेललाई सुखद बनाएको छ ।
अहमदाबादमा आइतबार भएको ऐतिहासिक खेलमा बलर र कप्तान रोहित शर्माले उत्कृष्ट प्रदर्शन गरेपछि भारतले सहज जित हात पारेको हो ।
एक हजार एक दिवसीय अन्तर्राष्ट्रिय खेल्ने भारत पहिलो टोलीसमेत बनेको छ ।
वेस्ट इन्डिजले दिएको १७७ रनको सामान्य लक्ष्य भारतले २८.४ ओभरमा ४ विकेट गुमाएर पूरा गर्यो ।
भारतका लागि कप्तान रोहित शर्माले ६० रन बनाए । यस्तै इशन किसनले २८ रन जोडे ।
सूर्यकुमार यादवले अविजित ३४ र डेब्युटान्ट दिपक होडाले अविजित २६ रन बनाए । विराट कोहली ८ रनमा आउट भए ।
वेस्ट इन्डिजका अल्जारी जोसेपले २ विकेट लिए ।
त्यसअघि नरेन्द्र मोदी स्टेडियममा टस हारेर अपहिले ब्याटिङ गरेको वेस्ट इन्डिजले ४३.५ ओभरमा सबै विकेट गुमाएर १७६ रन बनाएको थियो ।
वेस्ट इन्डिजका जासन होल्डरले सरणवाधिक ५७ रन बनाए । फाबियन एलनले २९ रन जोडे ।
वेष्ट इन्डिजलाई अलआऊट गर्न भारतका युजभेन्द्र चाहलले चार, वासिंगटन सुन्दरले तीन तथा प्रसिद्ध कृष्णले दुई विकेट लिए । जितपछि भारतले तीन खेलको सिरिजमा १-० को अग्रता बनाएको छ ।
प्रतिक्रिया 4