नेपालबाट जाने यात्रुलाई हङकङले लगायो रोक

४ फाुगन, काठमाडौं । नेपालबाट हङकङ जाने यात्रुलाई सो मुलुकले प्रवेशमा रोक लगाएको छ ।

हङकङले काठमाडौंबाट जाने यात्रुलाई रोक लगाएसँगै २० फागुनसम्म निर्धारित सबै उडान रद्द भएको नेपाल एयरलाइन्सले जनाएको छ ।

नेपालबाट जाने यात्रुमा कोरोना भाइरस (कोभिड-१९) को संक्रमण देखिन थाल्ने बित्तिकै हङकङले काठमाडौंबाट हुने उडानमा रोक लगाउँदै आएको छ । हङकङले पछिल्लो समय २९ माघदेखि नेपालबाट जाने यात्रुलाई प्रवेशमा रोक लगाएको हो । नेपाल एयरलाइन्सबाट टिकट लिइसकेका यात्रुले टिकटको मिति सार्न सक्नेछन् ।