कैलालीमा लागूऔषधसहित एकजना पक्राउ

१० फागुन, धनगढी । कैलालीमा लागूऔषधसहित एकजना पक्राउ परेका छन् ।

इलाका प्रहरी कार्यालय लम्कीबाट खटिएको टोलीले लम्कीचुहा नगरपालिका–८ का ३९ वर्षीय गोपी ओखेडालाई खैरो हिरोइनसहित पक्राउ गरिएको प्रहरीले जनाएको छ ।

ओखेडाले पसलमा कारोबारका लागि प्लाष्टिकमा राखेको ३ ग्राम ३६० मिलिग्राम लागूऔषध (खैरो हिराइन) बरामद गरिएको छ । यस्तै ५० हजार ५३० रुपैयाँ नगद, पाँचवटा मोबाइल, पाँचवटा घडी, कैची र डिटल तराजु पनि बरामद गरेर प्रहरीले जनाएको छ ।

प्रहरीका अनुसार यस सम्बन्धमा थप अनुसन्धानन भइरहेको छ ।