सूर्यकिरण सहकारीमा डल्लाकोटी नेतृत्वको प्यानल विजयी

१५ फागुन, चितवन । पूर्वी चितवनको खैरहनी नगरपालिका–१ मा रहेको सूर्यकिरण किसान वचत तथा ऋण सहकारीको निर्वाचनमा सत्ता गठबन्धनलाई पराजित गर्दै एमाले विजयी बनेको छ । शनिबार राति सम्पन्न भएको मत गणनामा एमाले निकटका महेन्द्रराज डल्लाकोटी नेतृत्वको प्यानल नै विजयी भएको हो ।

निर्वाचनमा नेपाली कांग्रेस, नेकपा माओवादी केन्द्र र नेकपा एकीकृत समाजवादीविरुद्ध एमाले एक्लै चुनावी मैदानमा होमिएको थियो । सञ्चालक समितिका पदाधिकारी, सदस्य र लेखा समिति सबैमा एमाले निकटका सेयर सदस्य निर्वाचित भएका छन् ।

अन्तिम मत परिणाम अनुसार अध्यक्षमा निर्वाचित डल्लाकोटीले २४४ मत प्राप्त गर्दा प्रत्यासी गठबन्धनका उम्मेदवार नेत्रप्रसाद शर्माले १९२ मत पाए । उपाध्यक्षमा एमालेकै भरतराज घिमिरेले २४० र सचिवमा विष्णुु पौडेलले २३८ मत ल्याएर विजयी भएको निर्वाचन अधिकृत वसन्तप्रसाद लामिछानेले जानकारी दिए । त्यस्तै कोषाध्यक्षमा चेतनाथ कँडेलले २७० मत ल्याएर निर्वाचित भए ।

अध्यक्षमा नेकपा एकिकृत समाजवादीका, उपाध्यक्षमा पराजित नेपाली कांग्रेसका, सचिवमा पराजित नेकपा माओवादी केन्द्र र कोषाध्यक्षमा एकीकृत समाजवादीका उम्मेदवार हुन् ।

सदस्यहरुमा एमाले निकटका अर्जुन कुमार सापकोटा, रामप्रसाद कोइराला, वालकृष्ण सापकोटा, अणकुमारी न्यौपाने, तारा लामा, प्रेम प्रसाद उपाध्याय, दिलवहादुर विक, कृष्णवन्धु भुर्तेल र इन्द्रकला डल्लाकोटी निर्वाचित भए ।

लेखा सुपरिक्षवेक्षण समिति संयोजकमा एमाले निकटका प्रेमनाथ लम्साल निर्वाचित भए । लम्सालले २४२ मत प्राप्त गर्दा उनका प्रतिद्वन्द्वी रामचन्द्र उप्रेतीले १८२ मत पाए ।

लेखा सदस्यहरुमा एमाले निकटकै केदार प्रसाद खतिवडा २४२ मत र धनराज सिलवाल २३८ मतका साथ विजयी भए ।