आँचल र विज्ञान अभिनित ‘शिरमाथि शिरफूल’

३ चैत, काठमाडौं । अस्मिता अधिकारी र एसडी योगीको स्वर रहेको गीत ‘शिरमाथि शिरफूल’ सार्वजनिक भएको छ । गीतमा कृष्ण सुवेदीको शब्द र गायक योगीकै लय सिर्जना छ ।

गीतको भिडियोमा अभिनेत्री आँचल शर्मा र विज्ञानले अभिनय गरेका छन् । छविलाल तामाङ (शिशिर)को निर्देशन रहेको भिडियोलाई उज्ज्वल जोशी र नवराज उप्रेतीले संयुक्तमा खिचेका हुन् ।

सुनिल क्षेत्रीको कोरियोग्राफी रहेको भिडियोलाई मनोज कार्कीले सम्पादन गरेका छन् । भिडियोका निर्माता प्रशान्तराज मालाकार र विज्ञान हुन् ।