आचारसंहिता विरुद्ध परेको मुद्दा एक साताका लागि सर्‍यो

१३ चैत, काठमाडौं । उमेद्वार बन्नुअघि बहालवाला जनप्रतिनिधिले राजिनामा दिनुपर्ने भनी निर्वाचन आयोगले जारी गरेको आचार संहिता विरुद्धको रिट निवेदनको सुनुवाइ एक साताको लागि सरेको छ ।

न्यायाधीशहरु प्रकाशमानसिंह राउत र कुमार चुडालको इजलासमा परेको निवेदन हेर्न नभ्याइएका कारण आइतबार सुनुवाइ हुन नसकेको हो । उ

उक्त निवेदन सुनुवाइका लागि सर्वोच्च अदालतले चैत २१ (अर्को साताको सोमबार) पेशी तोकेको छ ।

गतसाता न्यायाधीश बमकुमार श्रेष्ठको इजलासले आचारसंहिताको राजिनामा दिने व्यवस्था तत्कालका लागि कार्यान्वयन नगर्नु भनी अन्तरिम आदेश जारी गरेको थियो ।