खोटाङमा उम्मेदवार चयन गर्न एमालेले बनायो कार्यदल

३ वैशाख, काठमाडौं । खोटाङमा स्थानीय तहको निर्वाचनका लागि उम्मेदवार टुंगो लगाउन नेकपा एमालेले कार्यदल गठन गरेको छ । शनिबार जिल्ला सचिवालय कमिटीको बैठकले स्थानीय तहको उम्मेदवार चयन गर्न जिल्ला इन्चार्ज विशाल भट्टराईको नेतृत्वमा कार्यदल गठन गरेको हो ।

कार्यदलमा सहइन्चार्ज उषाकला राई, जिल्ला अध्यक्ष रामप्रसाद दंगाल लगायत पदाधिकारी रहेका एक नेताले जानकारी दिए । गएको २०७४ को निर्वाचनमा खोटाङको १० मध्ये एमालेले ५ स्थानीय तह जितेको थियो ।