८ वैशाख, काठमाडौं । आगामी सेप्टेम्बरमा चीनमा आयोजना हुने १९औं एसियाली खेलकुदका लागि बक्सिङ खेलको छनोट यही वैशाख १२ देखि १५ गतेसम्म हुने भएको छ ।
नेपाल बक्सिङ संघले संघमा आबद्ध सम्पूर्ण जिल्ला संघ र क्लबहरुलाई पत्र लेख्दै एसियन गेम्सका लागि छनोट प्रतियोगिता हुने जनाएको छ ।
एसियन गेम्स चीनको होन्झोउमा सेप्टेम्बर १० देखि २५ सम्म आयोजना हुँदैछ ।
एसियन गेम्सका लागि सातदोबाटोमा राष्ट्रव्यापी खुल्ला बक्सिङ छनोट प्रतियोगिता हुनेछ । त्यसका लागि संघ र क्लबबाट खेलाडी पठाउन संघले आग्रह गरेको छ ।
यस्तै उक्त प्रतियोगिता खेल्नका लागि राखेप तथा नेपाल बक्सिङ संघद्वारा आयोजित राष्ट्रिय तथा क्षेत्रीय प्रतियोगितामा सहभागी भएका खेलाडीहरूमात्र सहभागि हुने संघले जनाएको छ ।
छनोट प्रतियोगिता हुने तौल समूह :
(क) महिलातर्फ
(१) ४८ केजी – ५१ केजी
(२) ५४ केजी -५७ केजी
(३) ५७ केजी -६० केजी
(४) ६४ केजी -६९ केजी
ख) पुरुषतर्फ
(१) ४९ केजी -५२ केजी
(२) ५२ केजी -५७ कजी
(३) ५७ केजी -६३ केजी
(४) ६९ केजी -७५ केजी
प्रतिक्रिया 4