ललितपुरमा गठबन्धन भत्कियो, एकीकृत समाजवादीको अलग्गै उम्मेदवार

११ वैशाख, काठमाडौं । ललितपुर महानगरपालिकामा सत्ता गठबन्धनमा रहेको दल नेकपा एकीकृत समाजवादीले छुट्टै उम्मेदवारी घोषणा गरेको छ ।

‘गठबन्धन भत्कियो । हामीले अलग्गै उम्मेदवारी दिने निर्णय गरेको छौं’, सहइन्चार्ज अमृत तिम्सिनाले भने । उनका अनुसार, महानगरको मेयरमा हरिकृष्ण थापा र उपमेयरमा उषा बज्राचार्य उम्मेदवार बन्ने भएका छन् ।

सत्तारुढ दलहरुबीचको सहमति अनुसार ललितपुर महानगरपालिकामा नेपाली कांग्रेसको भागमा परेको छ भने उपमेयर माओवादी केन्द्रको भागमा परेको छ ।