+
+
उम्मेदवार प्रोफाइल : इटहरी :

गठबन्धनलाई परास्त गरेर विरासत जोगाउने चुनौती

अनलाइनखबर अनलाइनखबर
२०७९ वैशाख २७ गते १४:५६

२७ वैशाख, इटहरी । २०१५ साल २७ भदौमा ताप्लेजुङको सान्थाक्रामा जन्मिएका यामकुमार सुब्बा २०३५/३६ सालको विद्यार्थी बगावतबाट उदाएका वाम नेता हुन् ।

त्यसबेला काठमाडौंको अमृत साइन्स क्याम्पस (अस्कल)मा पढिरहेका उनी २०३६ सालमा पक्राउ परेर १७ दिन हिरासतमा परेका थिए । उनले स्नातक भने कानुनमा गरे, नेपाल ल क्याम्पसबाट ।

२०३५ सालमै नेकपा (माले) निकट जनसांस्कृतिक मञ्चमा आवद्ध भएका र ल क्याम्पसमा अनेरास्ववियु इकाई कमिटी सदस्य बनेका सुब्बाले नेकपा (एमाले)को संगठित सदस्यता भने २०५६ असोजमा मात्र लिए ।

२०६२/६३ सालको जनआन्दोलनमा एमाले, इटहरी नगर कमिटी सचिवको हैसियतमा संयुक्त संघर्ष समितिको नेतृत्व गर्ने क्रममा उनी १४ दिन प्रहरी हिरासत बसे ।

२०६६, २०६९ र २०७७ सालको अधिवेशनबाट तीनपटक इटहरी नगर अध्यक्षमा निर्वाचित सुब्बालाई यसपटक एमालेले इटहरी नगरपालिकाको मेयरमा उठाएको छ ।

सरल जीवनशैली, निरन्तरको राजनीतिक क्रियाशीलता र गत निर्वाचनमा इटहरीमा एमालेका मेयरका उम्मेदवारले पाएको मत संख्या (२२ हजार ६८९) सुब्बाको लागि अनुकूलताको रूपमा देखिन्छ ।

अघिल्लो निर्वाचनमा मेयरमा १९ हजार ९८५ मत पाएर दोस्रो भएको नेपाली कांग्रेससहित पाँचदलीय सत्ता गठबन्धन एमालेविरुद्ध एकजुट हुनु चाहिं सुब्बाका लागि मुख्य प्रतिकूलता भएको छ । यसबाहेक एमाले विभाजनको घाटा पनि उनले व्यहोर्नुपर्ने देखिन्छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?