रुपन्देहीको शुद्धोधन–२ को वडाध्यक्षमा कांग्रेस विजयी

१ जेठ, बुटवल । रुपन्देहीको शुद्धोधन गाउँपालिका वडा नंं. २ को वडाध्यक्षमा नेपाली कांग्रेसका कमल खड्का क्षेत्री १२ मत अन्तरले निर्वाचित भएका छन् । ३ हजार ६२० मत खसेको यो वडामा खड्का १ हजार ३१८ मत पाएर विजयी भएका हुन् ।

उनका निकटतम प्रतिस्पर्धी नेकपा एमालेका उम्मेदवार किरण नेपालले १ हजार ३०६ मत पाएका गाउँपालिकाका निर्वाचन अधिकृत शोभाखर खरेलले जानकारी दिए । किरण एमाले नेता घनश्याम भुसालका पूर्वस्वकीय सचिव हुन् ।

राप्रपाका हरिहर प्रसाद चौधरी थारुले ७८५ मत पाएका छन् । यसअघि वडा नं. १ मा जनता समाजवादीका उम्मेदवार एक मतको अग्रताले विजयी भएका थिए ।