सिरहाको नरहा गाउँपालिकाको अध्यक्ष र उपाध्यक्षमा एमाले विजयी

६ जेठ, सिरहा । सिरहाको नरहा गाउँपालिकाको अध्यक्ष र उपाध्यक्ष दुवैमा नेकपा एमालेका उम्मेदवार विजयी भएका छन् । अध्यक्षमा रामप्रमोद यादव र उपाध्यक्षमा गुलाबदेवी चौधरी निर्वाचित भएका हुन् ।

यादवले जनता समाजवादी पार्टी (जसपा)का मेयर उम्मेदवार रामसोगारथ यादवलाई १७८ मत अन्तरले पराजित गरे । रामप्रमोदले २ हजार ६९५ मत ल्याउँदा रामसोगारथले २ हजार ५१७ मत प्राप्त गरे । नेपाली कांग्रेसका कौशल मण्डलले २ हजार ११४ मत पाएका छन् ।

दोस्रो कार्यकालका लागि उपाध्यक्षमा निर्वाचित चौधरीले २ हजार ५७१ मत पाएकी छन् भने उनकी निकटतम प्रतिद्वन्दी नेपाली कांग्रेसकी अरहुल्लादेवी यादवले २ हजार ३२३ मत पाइन् । जसपाकी फूलोदेवी यादवले २ हजार १०४ मत प्राप्त गरेकी छन् ।