+
+

सुटिङमा फर्किए दयाहाङ, ‘के घर के डेरा’को धमाधम छायांकन हुँदै (तस्वीरसहित)

अनलाइनखबर अनलाइनखबर
२०७९ जेठ १९ गते १२:०१

काठमाडौं । दुई सातादेखि निर्देशक दीपेन्द्र के खनाल नयाँ फिल्म ‘के घर के डेरा’मा व्यस्त छन् । काठमाडौंको नयाँबजार खुसिबु आसपासमा फिल्मको छायांकन भइरहेको छ ।

बुधबार अपरान्ह अनलाइनखबर टिम त्यहाँ पुग्दा निर्देशक एक्सन-कटमा व्यस्त थिए । अभिनेता दयाहाङ राई चरित्रको हुलियामा अभिनय गर्दै थिए भने कथानुसार डेराको सामान ओसारपोसारको काम भइरहेको थियो ।

हलमा आफू अभिनित फिल्म ‘कबड्डी ४’ले उछाल कमाइरहँदा दयाहाङ भने सुटिङ सेटमा फर्किएका थिए । सेटमा क्याजुअल गफ गर्दै उनले ‘कबड्डी ४’ सफलताका कारणबारे पनि कुरा गर्न भ्याए ।

उनी आफ्नो पार्टको डेरावालको भूमिकामा अभिनय गर्दै थिए । सोही समयमा अर्का अभिनेता रविन्द्र झा समेत व्यस्त देखिए । कान्सबाट फर्किएपछि सुरक्षा पन्त पनि सेटमा ‘ज्वाइन’ भइसकेकी छन् भने विपिन कार्की पनि यसमै छन् ।

ए गुरुङ अर्थात् भँगेरी डनको रुपमा चर्चित अर्जुन गुरुङ पनि सुटिङमा व्यस्त देखिए । कथानुसार उनकै टोल रहेछ त्यो ।

निर्देशक खनाल असार ३ गते रिलिज हुने फिल्म ‘चिसो मान्छे’को प्रचारमा जुट्नुपर्ने बेला ‘के घर के डेरा’को छायांकनमा व्यस्त देखिए । उनलाई यो फिल्मको सुटिङ चाँडै सकेर ‘चिसो मान्छे’को प्रचारमा जुट्ने धपेडी छ ।

निर्देशक खनालका अनुसार काठमाडौंमा घर हुने र नहुनेको कथा हो फिल्म ‘के घर के डेरा’ ।

तस्वीर : शंकर गिरी/अनलाइनखबर

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?