+
+

बुर्किना फासोमा शंकास्पद जिहादीको आक्रमणमा परेर कम्तीमा ५० को मृत्यु

अनलाइनखबर अनलाइनखबर
२०७९ जेठ ३१ गते १३:३७

३१ जेठ, काठमाडौं । उत्तरी बुर्किना फासोमा शंकास्पद जिहादीहरूले गरेको आक्रमणमा कम्तीमा ५० जना सर्वसाधारणको मृत्यु भएको छ ।

शनिबार राति सेटेंगा गाउँमा हमला भएपछि सेनाले अहिलेसम्म ५० शव फेला पारेको सरकारी प्रवक्ता लियोनेल बिल्गोले जानकारी दिएका छन् ।

जनवरीमा सैनिक विद्रोहपछिको यो सबैभन्दा रक्तपातपूर्ण झडपहरू मध्येको एक हो भन्दै उनले मृतकको सङ्ख्या अझै बढ्न सक्ने बताएका छन् ।

पीडितहरूका आफन्तहरू सेतेंगा फर्केका र शवहरू लगेका हुन सक्ने बिल्गोले पत्रकार सम्मेलनमा बताए ।

ईयूले आक्रमणमा १ सय भन्दा बढी नागरिक पीडित भएको हुनसक्ने बताएको छ ।

सेटेंगा आसपासका क्षेत्रका मानवीय संस्थाहरूले गाँउबाट भागेका करिब तीन हजार मानिसलाई छिमेकी सहरमा राखिएको बताएका छन् ।

भूपरिवेष्ठित सहेल राज्य सात वर्ष पुरानो जिहादी विद्रोहको चपेटामा छ जसले दुई हजार भन्दा बढीको ज्यान लिइसकेको छ र करिब १९ लाख मानिसहरूलाई आफ्नो घर छोड्न बाध्य पारेको छ ।

– एजेन्सीको सहयोगमा

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?