+
+

आठ वर्षपछि नेपाल फर्किएकी अरुणिमाको सुन्दरता उस्तै, प्रियंका समेत लोभिइन् (तस्वीरसहित)

अनलाइनखबर अनलाइनखबर
२०७९ असार १५ गते १७:५७

काठमाडौं । अभिनेता किरण केसीको जन्मदिन समारोह विशेष रह्यो । ललितपुरको इमाडोलस्थित ब्याङ्क्वेटमा उनले बुधबार जन्मदिन पार्टी आयोजना गरे, जहाँ फिल्म, संगीत र उनका हितैषी सहभागी रहे ।

जन्मदिन जमघटको विशेष आकर्षण चाहिं अभिनेत्री अरुणिमा लम्साल रहिन् । आठ वर्षपछि अमेरिकाबाट फर्किएकी ‘धड्कन’ अभिनेत्रीले मिडियासँग पनि भलाकुसारी गरिन्, अनि आफ्नो आगामी योजना र फिल्ममा हुनसक्ने सम्भावित ‘कमब्याक’बारे बताइन् ।

अर्की अभिनेत्री प्रियंका कार्की पनि केसीको जन्मदिन पार्टीमा उपस्थित थिइन् । मेन्टेन फिगरमा आफ्नो ढल्किंदो उमेरलाई लुकाएकी अरुणिमा अहिले पनि उत्तिकै क्युट देखिएकी थिइन् । ‘हनुमानले उचालेको सञ्जीवनी बुटीको एक टुक्रा खाएर बडी मेन्टेन गरेकी हुँ,’ ठट्टा गदै उनले भनिन् ।

नेपालमा आफू दुई महिना रहने र आफन्त तथा साथीभाइसँग भेटघाट बाहेक विशेष योजना केही नबनाएको उनले बताइन् । ‘मेरो आत्मा र मनमस्तिष्कमा अहिले पनि एक्सन–कट् छ,’ उनले अमेरिकामा रहँदा फिल्म क्षेत्रलाई मिस गरेको सन्दर्भमा बताइन् ।

उनले गसिपबारे पनि चर्चा गरिन् । ‘जहाँ नाम छ, त्यहाँ बदनाम हुन्छ नै । त्यही भएर मानसिक रुपमा पनि तयार भएर आउनुपर्छ,’ उनले भनिन् । सोही समारोहमा उपस्थित भएकी अर्की अभिनेत्री कार्कीले पनि अहिले सुटिङ भइरहेको सिरिज ‘साहु बा’पछि आफूले होम प्रोडक्सनमा फिल्म निर्माण गर्न लागेको जानकारी दिइन् ।

तस्वीर सौजन्य : मिलन ढुंगाना

अभिनेत्री प्रियंका कार्की, अरुणिमा लम्साल र अरुणिमाकी छोरी अक्षता

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?