+
+

विजय बाबु यौन दुर्व्यवहार प्रकरण : जमानत दिने केरला उच्च अदालतको आदेश सर्वोच्चबाट सदर

अनलाइनखबर अनलाइनखबर
२०७९ असार २२ गते १६:२२

काठमाडौं । यौन दुर्व्यवहारको आरोप लागेका दक्षिण भारतीय अभिनेता विजय बाबुलाई भारतको सर्वोच्च अदालतले राहत दिएको छ ।

यौन दुर्व्यवहारको मुद्दामा उनलाई केरला उच्च अदालतले जमानत दिने आदेश दिएको थियो । यसविरुद्ध याचिकामाथि बुधबार सुनुवाइ गर्दै सर्वोच्च अदालतले उच्च अदालतको आदेशलाई सदर गरेको हो ।

तर विजय बाबुमाथि केही सर्त भने लगाइएको छ । जस अनुसार उनी विनाअनुमति राज्यबाहिर जान पाउने छैनन् भने यस मुद्दाका विषयमा सामाजिक सञ्जालमा लेख्न पनि अदालतले निषेध गरेको छ ।

गत अप्रिल २२ मा विजय बाबुविरुद्ध एक महिलाले आफूमाथि पटकपटक यौन दुर्व्यवहार गरेको आरोप लगाउँदै जाहेरी दिएकी थिइन् । ती महिला विजय बाबुको प्रोडक्सन कम्पनीले निर्माण गरेको फिल्ममा समेत काम गरिसकेकी छन् । अभिनेताले फेसबुक लाइभमा आएर आफू निर्दोष रहेको दाबी गरेका थिए ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?