+
+

ऋण वापतको सावा र व्याज तिर्दा पनि जग्गा फिर्ता नगरेको आरोपमा मिटरव्याजी पक्राउ

अनलाइनखबर अनलाइनखबर
२०७९ असार २७ गते १९:५८

२७ असार, जनकपुरधाम । धनुषाबाट एक जना मिटरव्याजी पक्राउ परेका छन् । ५ गुणा बढीको कपाली तमसुक बनाएर मिटरव्याजमा ऋण लगानी गरेको आरोपमा धनुषाधाम नगरपालिका ५ बस्ने ४१ वर्षीय सुरेश यादवलाई पक्राउ गरिएको प्रहरीले जनाएको छ ।

यादवले स्थानीय शिवशंकर साहसहित बिभिन्न व्यक्तिलाई बिभिन्न मितिमा रकमको पाँच गुणा बढी कपाली तमसुक बनाई सो वापत जग्गा राजीनामा पास गराई मिटर व्याजीमा ऋण दिने गरेको प्रहरीको भनाइ छ ।

ऋणीले ऋण र सावा व्याज लगायतको रकम भुक्तानी गरे पश्चात पनि जग्गा र कपाली तमसुक फिर्ता नगरी व्याजको व्याज लिन्छु भनी ठगी गरी फरार रहेको जाहेरीको आधारमा उनलाई पक्राउ गरिएको जिल्ला प्रहरी कार्यालय धनुषाका डीएसपी दीपक रायले जानकारी दिए ।

उनलाई जनकपुरधाम उपमहानगरपालिका वडा नम्बर ४ बाट नियन्त्रणमा लिई ठगी शीर्षक मुद्दामा म्याद थप गरी अन्य अनुसन्धान गरिरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?