+
+

बर्षाको कामना गर्दै वनसखण्डी मठमा पूजापाठ

अनलाइनखबर अनलाइनखबर
२०७९ असार २७ गते २०:४७

२७ असार, सप्तरी । बर्षाको कामना गर्दै सप्तरीमा पूजापाठ गरिएको छ ।

तिरहुत गाउँपालिका– ५ लोहजारास्थित बाबा वनसखण्डी मठमा प्रमुख जिल्ला अधिकारीसहित सरकारी कार्यालयका प्रमुखहरुले सामूहिक रुपमा पूजा गर्दै बर्षाको कामना गरेका छन् ।

प्रमुख जिल्ला अधिकारी जनार्दन गौतम, जिल्ला प्रहरी कार्यालयका प्रमुख प्रहरी उपरीक्षक अभिनारायण काफ्ले सहितका सुरक्षा अधिकारी र सरकारी कार्यालयका प्रमुखहरुले मठमा पूजा गरेका हुन् ।

लोहजरा भेडिया मठको नामले प्रसिद्ध वनसखण्डी मठमा रुद्री पाठ, इन्द्र पूजा र हवन गरिएको तिरहुत गाउँपालिका अध्यक्ष विजय यादवले जानकारी दिए ।

जिल्लाका प्रमुख व्यक्तिहरुले यो मठमा पूजा गरेपछि बर्षा हुने जनविश्वास रहेको छ । यही विश्वासको आधारमा प्रत्येक बर्ष यहाँ जिल्लाका प्रमुख व्यक्तिहरुले पूजा गर्दै आएका छन् ।

मठमा विधिवत पूजा गरेपछि पानी पर्ने जनविश्वास रहेकाले जनताको भावनालाई बुझेर यो पूजापाठ गरिएको प्रमुख जिल्ला अधिकारी गौतमले बताए ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?