+
+

भारतमा ४८ घण्टामा तीन अन्तर्राष्ट्रिय जहाजको आपतकालीन अवतरण

अनलाइनखबर अनलाइनखबर
२०७९ साउन १ गते १०:५०

१ साउन, काठमाडौ । भारतमा पछिल्लो ४८ घण्टाको अवधिमा तीन वटा अन्तर्राष्ट्रिय जहाजको आपतकालीन अवतरण भएको छ । भारतीय सञ्चारमाध्यमहरुका अनुसार सबै जहाजहरुमा प्राविधिक समस्याका कारण आपतकालीन अवतरण गर्नु परेको छ । भारतीय नागरिक उड्डयन महानिर्देशनालयका अनुसार भारतको कालीकट, चेन्नई र कोलकतामा शुक्रबार र शनिबार यी जहाजको आपतकालीन अवतरण भएको हो ।

शारजहाबाट कोचीनका लागि आइरहेको एयर अरेबियाको जहाज हाइड्रोलिक फेल भएपछि कालीकटमा आपतकालीन अवतरण गर्नु परेको थियो । इथियोपियन एयरलाइन्सको अर्को जहाज कोलकतामा आपतकालीन अवतरण गरेको छ । श्रीलंका एयरलाइन्सको अर्को जहाज समेत हाइड्रोलिक समस्याका कारण चेन्नई विमानस्थलमा आपतकालीन अवतरण गरेको समाचारमा उल्लेख छ । भारतीय नागरिक उड्डयन निर्देशनालयले यी सबै घटनाको विस्तृत अनुसन्धान गर्न आदेश दिएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?