सुनको मूल्य बढ्यो, चाँदीको घट्यो

२५ साउन, काठमाडौं । बुधबार सुनको मूल्य बढेको छ भने चाँदीको मूल्य घटेको छ । नेपाल सुन चाँदी व्यवसायी महासंघकाअनुसार सुनको मूल्य तोलामा २ सय रुपैयाँले बढ्दा चाँदीको मूल्य १० रुपैयाँले घटेको छ ।

बुधबार छापावाल सुनको मूल्य ९७ हजार एक सय र तेजावी सुनको मूल्य ९६ हजार ६ सय रुपैयाँ तोकिएको छ । मंगलबार छापावाल सुनको मूल्य ९६ हजार ९ सय र तेजावी सुनको मूल्य ९६ हजार ४ सय रुपैयाँ तोकिएको थियो ।

बुधबार चाँदीको प्रतितोला मूल्य १ हजार २३० रुपैयाँ तोकिएको छ । मंगलबार चाँदीको प्रतितोला मूल्य १ हजार २४० रुपैयाँ तोकिएको थियो ।