काठमाडौंको कपनमा आगलागी (तस्वीर र भिडियो)

५ असोज, काठमाडौं । कपनको राम मन्दिर नजिकै आगलागी भएको छ ।

ट्रेकिङ्ग अफिस र ट्रेकिङ्गमा प्रयोग हुने सामान राखिएको घरमा आगलागी भएको प्रहरीले जनाएको छ ।

कपनमा आगलागी भएको जानकारी आए लगत्तै काठमाडौं र ललितपुरको दमकल बोलाइएको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए ।

आगो लागेको ठाउँबाट विस्फोटको आवाज पनि सुनिएको स्थानीयबासिन्दाले बताएका छन् । त्यो विस्फोट ट्रेकिङ्गमा प्रयोग गरिने सिलिण्डरको हुन सक्ने अनुमान छ ।

दमकल तथा प्रहरीको सहयोगमा आगो निभाउने काम भइरहेको  छ । यसबारेमा थप विवरण आउन बाँकी छ ।

हेर्नुस् तस्वीरहरु :