+
+

पर्यटन बोर्डले ल्याउन लागेको बजेटप्रति कर्मचारीको असन्तुष्टि

नेपाल पर्यटन बोर्डले चालु आर्थिक वर्ष ०७९/८० मा ७ लाख पर्यटक भित्रने प्रक्षेपणका आधारमा बजेट ल्याउने तयारी गरेको छ । तर कर्मचारीले भने हचुवा अनुमानका आधारमा बजेट नल्याउन बोर्डका अध्यक्षलाई ज्ञापनपत्र बुझाएका छन् ।

अनलाइनखबर अनलाइनखबर
२०७९ असोज १२ गते १६:१५

१२ असोज, काठमाडौं । नेपाल पर्यटन बोर्डले ७ लाख पर्यटक भित्रने हचुवा अनुमानका आधारमा बजेट बनाएको भन्दै कर्मचारीले विरोध जनाएका छन् । उनीहरुले गलत प्रक्षेपणमा बजेट नल्याउन बोर्डका अध्यक्ष तथा पर्यटन सचिव सुरेश अधिकारीलाई ज्ञापन पत्र बुझाएका छन् ।

२ असोजमा बोलाइएको बोर्डको कार्यसमिति बैठकले चालु आर्थिक वर्ष ०७९/८० मा ७ लाख पर्यटक नेपाल आउने प्रक्षेपण गरी बजेट ल्याउने तयारी गरेको छ । बैठकले १ अर्ब १७ करोड रुपैयाँ आय–व्यय सहितको बजेट सैद्धान्तिक रुपमा पारित गरेको हो ।

बोर्डको बजेटमा मन्त्री, बोर्ड सदस्य र कार्यकारी प्रमुखले चलखेल गरेको कर्मचारीको आरोप छ । कर्मचारीहरुले यथार्थपरक बजेट ल्याउन माग राख्दै विरोधका कार्यक्रम समेत चलाउने भएका छन् ।

सार्वजनिक निजी सहकार्य अवधारणामा स्थापित बोर्डको कार्यकारी समितिमा ५ जना सरकारी पदेन सदस्य, ५ निजी क्षेत्रबाट प्रतिनिधित्व गर्ने विज्ञ सदस्य, सदस्य सचिवका रुपमा कार्यकारी प्रमुख गरी कुल ११ सदस्य रहने प्रावधान छ । पदेन अध्यक्ष पर्यटन मन्त्रालयका सचिव हुन्छन् । सरकारी प्रतिनिधि अध्यागमन विभाग, अर्थ मन्त्रालय, नागरिक उड्डयन प्राधिकरणलगायतबाट रहन्छन् ।

बजेटबारे निर्णय गर्न बोलाइएको बैठकमा अध्यक्षबाहेक अन्य सरकारी प्रतिनिधि अनुपस्थित रहेको र अनिवार्य उपस्थिति हुनपर्ने अर्थ मन्त्रालयका प्रतिनिधि नै अनुपस्थित बैठकको निर्णय मान्य नहुने समेत कर्मचारीको भनाइ छ ।

आर्थिक वर्षको ३ महिना बितिसक्दा पनि बजेट ल्याउन नसक्ने बोर्ड र कार्यकारी प्रमुखलाई पर्यटन प्रबर्द्धनमा जुट्न नसकेको समेत कर्मचारीको आरोप छ । चालु आर्थिक वर्ष नेपालमा ७ लाख पर्यटक आउने प्रक्षेपण गर्दै प्रतिपर्यटक १ हजार रुपैयाँका दरले पर्यटन सेवा शुल्क ७३ करोड उठाउने आंकलन गरी बोर्डले बजेट बनाएको हो । अहिले मासिक औसतः ४० हजार मात्र पर्यटक भित्रिरहेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?