सिरहाको बन्दीपुरमा माछापुच्छ्रे बैंकको नयाँ एक्सटेन्सन काउन्टर

काठमाडौं । माछापुच्छ्रे बैंकले सिरहाको कर्जन्हा नगरपालिका–३ स्थित बन्दीपुरमा एक्सटेन्सन काउन्टर सञ्चालनमा ल्याएको छ । शुक्रबार औपचारिक कार्यक्रमको आयोजना गरी नयाँ एक्सटेन्सन काउन्टरको समुद्घाटन गरिएको बैंकले जनाएको छ ।

उक्त एक्सटेन्सन काउन्टरको कर्जन्हा नगरपालिकाका मेयर भोलाप्रसाद पोखरेल र माछापुच्छ्रे बैंकका अध्यक्ष डा. वीरेन्द्रप्रसाद महतोले संयुक्त रुपमा गरे ।

नयाँ एक्सटेन्सन काउन्टर मार्फत ग्राहकको खाता खोल्ने, निक्षेप संकल्न तथा भुक्तानी, विप्रेषण लगायतका अन्य बैंकिङ्ग सुविधा प्राप्त गर्न सकिने बैंकका प्रमुख कार्यकारी अधिकृत सन्तोष कोइरालाले जानकारी दिए ।