+
+

मोरङमा ११ जनाको उम्मेदवारी फिर्ता

अनलाइनखबर अनलाइनखबर
२०७९ असोज २६ गते १७:४५

२६ असोज, विराटनगर । मोरङमा प्रतिनिधिसभा सदस्यका तीन जना र प्रदेशसभातर्फ ८ जनाले उम्मेदवारी फिर्ता लिएका छन् ।

बुधबार प्रतिनिधिसभातर्फ तीन क्षेत्रबाट एक-एक जनाले मनोनयन फिर्ता लिएका हुन् । प्रदेशसभा तर्फ ८ जनाले फिर्ता लिएका हुन् ।

प्रतिनिधिसभा तर्फ क्षेत्र नम्बर १ बाट स्वतन्त्र उम्मेदवार सुजता थापाले उम्मेदवारी फिर्ता लिएकी छन् ।

मोरङ क्षेत्र नम्बर-४ बाट स्वतन्त्र उम्मेदवार गोकुलप्रसाद पोखरेल र मोरङ क्षेत्र नम्बर ६ बाट लोसपाका उम्मेदवार राजु मण्डल राजवंशीले उम्मेदवारी फिर्ता लिएका छन् ।

निर्वाचन कार्यालय मोरङका प्रमुख लेवन काश्यप अधिकारीका अनुसार १२ वटा प्रदेशसभा रहेको मोरङमा ८ जनाले मनोनयन फिर्ता लिएका हुन् ।

क्षेत्र नम्बर-१ ख बाट स्वतन्त्र उम्मेदवार डिल्लीराम शर्मा अधिकारी, ३ को ख बाट स्वतन्त्र उम्मेदवार तिलकप्रसाद राई, कञ्चनकुमार बुढाथोकीले उम्मेदवारी फिर्ता लिएका छन् ।

क्षेत्र नम्बर ४ को ख बाट नेकपा एसका उम्मेदवार महेश रेग्मी, क्षेत्र नम्बर ५ को ख बाट स्वतन्त्र उम्मेदवार भूराज राईले उम्मेदवारी फिर्ता लिएका छन् ।

क्षेत्र नम्बर ६ को ख बाट नेकपा एसका उम्मेदवार वसिम आलम, जीवनकुमार गुप्ता र स्वतन्त्र उम्मेदवार सुरेशकुमार श्रेष्ठले उम्मेदवारी फिर्ता लिएका छन् । मोरङमा दुइवटै क्षेत्रमा जम्मा २१६ जनाको उम्मेदवारी कायम भएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?