पौडी खेल्ने क्रममा बेपत्ता भएका युवकको शव भेटियो

२८ असोज, स्याङ्जा । स्याङ्जाको वालिङ नगरपालिका-१ सिसौघारीस्थित आँधिखोलामा पौडी खेल्ने क्रममा डुबेर बेपत्ता भएका एक जनाको भेटिएको छ ।

वालिङ नगरपालिका-१ सिसौघारीका १९ वर्षीय संगम रेग्मीको शव सशस्त्र प्रहरीको गोताखोर टोलीले भेटाएको हो ।

सशस्त्र प्रहरी बल नेपाल नम्बर २४ गण कालिकाबाट सशस्त्र प्रहरी नायव उपरीक्षक उपेन्द्र बस्यालको कमाण्डमा खटिएको गोताखोरसहितको टोलीले घटनास्थलभन्दा १०० मिटर तल अन्दाजी १५ फिट गहिराईबाट उनको शव निकालेको हो ।

रेग्मी उक्त खोलामा पौडी खेल्ने क्रममा बुधबार दिउँसो करिव साढे ४ बजे बेपत्ता भएका थिए ।