नीताको ‘ह्रस्वदीर्घ’मा जोडिए रविन्द्र झा

काठमाडौं । नीता ढुंगानाले निर्माण गर्न लागेको फिल्म ‘ह्रस्वदीर्घ’मा कलाकार अनुबन्धित हुने क्रम जारी छ । यो मल्टिस्टारर फिल्ममा पछिल्लो पटक अभिनेता रविन्द्र झा जोडिएका छन् ।

केही दिनअघि अभिनेत्री विपना थापा पनि यसमा अनुबन्धित भइसकेकी छन् । उनी झण्डै १३ वर्षपछि नेपाली फिल्ममा पुनरागमन गर्दैछिन् ।

फिल्ममा यसअघि सरोज खनाल, सलोन बस्नेत, नीता ढुंगाना, हरिहर अधिकारी, प्रदीप रावत, ब्रह्मानन्द लगायतका नेपाली र भारतीय कलाकार तय भइसकेका छन् ।

फेब्रुअरी १ देखि छायांकन सुरु हुने फिल्मलाई तीन चरणमा खिचिने भएको छ । भारतको हैदराबादस्थित रामोजी स्टुडियोबाट सुटिङ सुरु हुनेछ । दोस्रो चरणको छायांकन नेपालमा र तेस्रो भारतको बनारसमा गर्ने तयारी छ ।