कठै म, कठपुतली मेरै

कहिले वायुसँगै, बंगालको खाडीतर्फको
कहिले तालमा, पश्चिमी वायुको
कहिले हिमालपारिको वायुको बहावमा
नाच्छन् कठपुतली मेरा, बार्दली र कौसीहरूमा !

बदलिन्छ मौसम, गर्जिन्छ आकाश
हुँदैन वर्षा तर, आउँदैन बहार
ठोक्छु ढोल, फुक्छु सहनाई
हरहर महादेउ, पानी देउ !

बगिरहोस् खोला, चाहिंदैन कुलो
नमिले भागबण्डा, नभएकै भलो !
खन्दिन आफ्नो खेत, उठाउन्न ठेला
रमाउँछु हुँदा अरुकै खेताला

पार्छु घोर, घोक्रो फुल्लिने गरी
कठपुतलीकै ताल मिल्ने गरी
कठै म वीर, स्वाभिमानी मै
कठपुतली मेरै, नाच्छु म कठपुतलीसँगै !