सम्पत्ति शुद्धीकरण सम्बन्धी विधेयक मन्त्रिपरिषदमा

२२ माघ, काठमाडौं । गैरकानूनी सम्पत्ति आर्जन गर्ने परिपाटीलाई निरुत्साहित गर्न विभिन्न १८ वटा कानून संशोधन गर्ने विधेयक सोमबारको मन्त्रिपरिषदमा पेश हुने भएको छ ।

कानून मन्त्रालयले विधेयकको मस्यौदा स्विकृत गरेर आइतबार प्रधानमन्त्री तथा मन्त्रिपरिषद कार्यालयमा दर्ता गरेको हो ।

प्रधानमन्त्री तथा मन्त्रिपरिषद कार्यालयका अनुसार, मन्त्रिपरिषदमा पेश भएको विधेयक दफावार छलफलका लागि विधेयक समितिमा पेश गर्ने तयारी छ ।

कानूनमन्त्रीको नेतृत्वमा हुने समितीमा सत्तारुढ दलका एक÷एक जना मन्त्री, सरोकारवाला मन्त्रालयका सचिव रहेछन् ।

समितिमा छलफल भएपछि विधेयक फेरि मन्त्रिपरिषदमा पेश हुने र त्यहाँबाट स्वीकृत भएर संघीय संसदमा दर्ता हुनेछ ।

प्रधानमन्त्री कार्यालयका एक सचिवका अनुसार, एक साताभित्र संघीय संसद सचिवालयमा पेश गर्ने तयारी भएको विधेयक यो सरकारले संसदमा पेश गरेको पहिलो विधेयक बन्नेछ ।