भारतको स्पष्टीकरणः चीनबाट प्याज होइन, बीउ निर्यातमा मात्रै प्रतिबन्ध

१४ फागुन, नयाँ दिल्ली । भारत सरकारले दक्षिण एशियाली मुलुक चीनबाट प्याजको निर्यातमा कुनै प्रतिबन्ध नलगाइएको तर प्याजको बीउको निर्यातमा प्रतिबन्ध लगाइएको जनाएको छ ।

सङ्घीय वाणिज्य तथा उद्योग मन्त्रालयका अनुसार सन् २०२२ को अप्रिलदेखि डिसेम्बरसम्म भारतले ५२ करोड ३८ लाख अमेरिकी डलर बराबरको प्याज निर्यात गरेको छ ।

मन्त्रालयले भनेको छ, ‘सरकारले प्याजको निर्यातमा कुनै रोक लगाएको छैन । प्याजको वर्तमान निर्यात नीति ‘स्वतन्त्र’ छ । प्याजको बीउको निर्यात मात्र ‘प्रतिबन्धित’ छ र त्यो पनि विदेश व्यापार महानिर्देशालयको अनुमतिमा गरिएको हो ।’

शनिबार सङ्घीय वाणिज्य तथा उद्योगमन्त्री पियुष गोयलले एक विज्ञप्ति जारी गरी भारतबाट अन्य देशमा प्याज निर्यातमा प्रतिबन्ध लगाउने समाचार भ्रामक भएको बताएका छन् ।

‘भारतबाट कुनै पनि देशमा प्याज निर्यातमा कुनै प्रतिबन्ध छैन र यसको विपरीत भ्रामक अभिव्यक्ति दिनु दुर्भाग्यपूर्ण छ,’ उनले भने ।

विज्ञप्तिमा भनिएको छ, ‘सन् २०२२ को जुलाईदेखि डिसेम्बरसम्म, प्याजको निर्यात हरेक महिना चार करोड अमेरिकी डलरभन्दा माथि पुगेको छ, जसले हाम्रा अन्नदाताहरूलाई फाइदा पुर्‍याएको छ ।’ सिन्ह्वा