नेपाल विद्युत प्राधिकरण कर्मचारी युनियनको महाधिवेशन काठमाडौंमा सुरु

३ चैत, काठमाडौ । नेपाल विद्युत प्राधिकरण कर्मचारी युनियनको ११ औं महाधिवेशन काठमाडौंमा सुरु भएको छ ।

शुक्रबार राष्ट्रिय सभागृहमा आयोजित महाधिवेशनको उद्घाटन नेकपा एमालेका अध्यक्ष केपी शर्मा ओलीले गरेका छन् ।

दुई दिनसम्म चल्ने एमाले निकट कर्मचारी युनियनको महाधिवेशनले नयाँ नेतृत्व चयन गर्नेछ । महाधिवेशनमार्फत १७ पदाधिकारीसहित १२१ जनाको केन्द्रीय कार्यसमिति चयन हुनेछ । हाल युनियनको नेतृत्व रामकुमार थेवेले गर्दै आइरहेका छन् ।

एमाले निकट महाधिवेशनमा देशभरबाट प्रतिनिधि र पर्यवेक्षक गरी ५३५ जना सहभागी रहेको युनियनका सचिवालय सदस्य तथा प्रचार विभाग प्रमुख कपिल गौतमले जानकारी दिए । गौतम महाधिवेशनमा महासचिवको दावेदार हुन् ।