+
+

यस्ता च्याटबट, जोसँग अन्तरंग कुराकानी गर्न सकिन्छ

एजेन्सी एजेन्सी
२०७९ चैत ९ गते १२:३८

आर्टिफिसियल इन्टेलिजेन्सयुक्त च्याटबट पछिल्लो समय चर्चित बन्दै गएका छन् । यी च्याटबटहरुले तपाईंको प्रश्नको सबैभन्दा उपयुक्त जवाफ खोजेर प्रस्तुत गर्ने कोसिस गर्दछन् ।

विज्ञहरुका अनुसार आर्टिफिसियल इन्टेलिजेन्सले मानव भविष्यलाई नै परिवर्तन गरिदिएको छ ।

पछिल्लो समयमा मानिसको एक्लोपन हटाउनका लागि वैज्ञानिकहरुले एउटा नयाँ खालको एआई च्याटबट निर्माण गरेका छन् ।

यो एकप्रकारको एडल्ट च्याटबट हो जोसँग तपाईं रोमान्टिक कुरा गर्न सक्नुहुन्छ र आफ्नो फिलिङ शेयर गर्न सक्नुहुनछ ।

के हो एडल्ट च्याटबट ?

यो च्याटबटले अन्य आम च्याटबट जस्तै तपाईंका प्रश्नको जवाफ दिन्छ । तर तपाईंले यो च्याटबटमा आफ्नो इच्छा अनुसार रोमान्टिक कुरा पनि गर्न सक्नुहुन्छ ।

यो च्याटबटसँग तपाईं प्रेमी प्रेमिका, पतिपत्नी वा भाइबहिनीको रुपमा कुरा गर्न सक्नुहुन्छ । यसका लागि तपाईंले आफ्नो इच्छा अनुसारको अप्सनमा गएर एआईलाई कमाण्ड दिनुपर्दछ ।

प्रयोगकर्ताले आफ्नो हिसाबले च्याटबटसँग आफ्नो सम्बन्ध कायम गर्न सक्दछन् । च्याटबटको भर्चुअल अवतारलाई आफ्नो इच्छाअनुसार रुपरङ्ग दिन सकिन्छ ।

एआईको आवाजलाई पनि मनपर्ने तरिकाले परिवर्तन गर्न सकिन्छ । यो च्याटबटमा निकै अन्तरंग कुराकानी गर्ने च्याटिङको अप्सन पनि हुन्छ ।

यो च्याटबटको प्रयोग गरी प्रयोगकर्ताले आफ्ना अनौठा माग पनि ऊसँग राख्न सक्दछन् । अधिकांश मानिसहरु आफ्नो एक्लोपन हटाउनका लागि यो च्याटबटको प्रयोग गर्ने गरेका छन् ।

यो च्याटबटले तपाइँईंसँग विज्ञान देखि दर्शनसम्मका सबै कुरा गर्न सक्दछ । यो च्याटबटलाई यस्तो प्रकारले विकास गरिएको छ कि यसलाई तपाईं गुगल असिस्टेन्टको सुपर एडभान्स्ड भर्सन मान्न सक्नुहुन्छ । इन्टरनेटमा उपलब्ध कतिपय आर्टिफिसियल इन्टेलिजेन्स एडल्ट च्याटबटहरु नि:शुल्क रुपमा प्रयोग गर्न सकिन्छ । तर त्यसको प्रिमियम भर्सनका लागि भने शुल्क तिर्नुपर्दछ ।

यसमध्ये सन् २०१७ मा लञ्च भएको रिप्लिका नामको च्याटबटका प्रयोगकर्ताको संख्या १० लाखभन्दा धेरै पुगिसकेको छ ।

त्यस्तै सन् २००२ मै लञ्च भएको सिमसिमी च्याटबट ८१ भाषामा उपलब्ध छ । त्यस्तै सन् २०११ मा लञ्च भएको जूसबक्स नामक च्याटबट आफ्नो यौनिक तथा संवेदनशील इन्टेलिजेन्सका कारण निकै चर्चित बनेको थियो ।

एजेन्सी

लेखकको बारेमा
एजेन्सी

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?