१४ चैत, काठमाडौं । बेन्जामिन पाभार्डको एक मात्र गोल मद्दतमा फ्रान्सले युरोकप २०२४ को छनोटमा लगातार दोस्रो जित निकालेको छ ।
समूह बी अन्तर्गत सोमबार रातl भएको खेलमा फ्रान्सले रिपब्लिक अफ आयरल्याण्डलाई १-० ले पराजित गरेको हो । डब्लिनस्थित अभिभा स्टेडियममा भएको खेलमा पाभार्डले ५०औ मिनेटमा गोल गरेका थिए ।
समूह बी मा लगातार दोस्रो जितपछि फ्रान्स ६ अंक जोडेर शीर्ष स्थानमा छ ।
फ्रान्सले यसअघि पहिलो खेलमा नेदरल्याण्ड्सलाई पराजित गरेको थियो ।
समूह बी कै अर्को खेलमा नेदरल्याण्ड्सले जिब्राल्टरलाई ३-० ले पराजित गरेको छ । नेदरल्याण्ड्सको यो पहिलो जित हो ।
नेदरल्याण्ड्सका लागि नाथन एकेले ५०औं र ८२औं मिनेटमा गोल गरे । यस्तै मेम्फिस डिपाएले २३औं मिनेटमा गोल गरे ।
जिब्राल्टरका लियम वाल्करले ५१औं मिनेटमा रातो कार्ड पाएपछि १० खेलाडीमा रहेर खेलेको थियो ।
युरोकप छनोट अन्तर्गत समूह एफमा अष्ट्रियाले इस्टोनियालाई २-१ ले पराजित गर्दै लगातार दोस्रो जित निकालेको छ ।
यस्तै यसै समूहमा स्वीडेनले अजरवैजानलाई ५-० ले हराएर पहिलो जित निकालेको छ ।
समूह ई मा पोल्याण्डले अल्वानियालाई १-० ले हराएर पहिलो जित निकालेको छ भने यसै समूहको अर्को खेलमा चेक रिपब्लिक मोल्दोभासँग गोलरहित बराबरीमा रोकिएको छ ।
प्रतिक्रिया 4