२०८२ वैशाख २५ गते ०:३२ 
२४ बैशाख, काठमाडौं । कीर्तिपुर बास्केटबल क्लबले हिमालयन जाभा बास्केटबल लिग (एचजेबीएल) मा लगातार दोस्रो जित हात पारेको छ ।
कीर्तिपुर कभर्डहलमा बुधबार भएको खेलमा कीर्तिपुरले सामाखुशी युथ क्लबलाई ६७-५८ ले पराजित गरेको हो ।
सामाखुशीमाथि कीर्तिपुरको लगातार जित हो । कीर्तिपुरले लिगको उद्घाटन खेलमा पनि सामाखुशीलाई नै पराजित गरेको हो ।
कीर्तिपुरले सुरुवातदेखि नै खेलमा अग्रता लिएको थियो । कीर्तिपुरले पहिलो क्वाटरमा १८-१३ को अग्रता लिएको थियो । दोस्रो क्वाटर १३-६ ले आफ्नो पक्षमा पार्दै हाफटाइममा कीर्तिपुरले ३१-१९ को अग्रता बनायो ।
तेस्रो क्वाटरमा सामाखुशीले पुनरागमन गर्दै २२-११ ले आफ्नो पक्षमा पारेको थियो ।
तर चौथो क्वाटर कीर्तिपुरले २५-१७ ले आफ्नो पक्षमा पार्दै खेल जितेको हो ।
कीर्तिपुरको जितमा निश्चल महर्जनले सर्वाधिक १९ अंक स्कोर गरे । उनी मोस्ट भ्यालुएबल प्लेअर घोषित भए ।
यस्तै सामाखुशीका लागि कर्मा गुरुङले पनि १९ अंक स्कोर गरे ।
प्रतिक्रिया 4