तीन दिनयता सुनको मूल्य स्थिर, कतिमा भइरहेको छ कारोबार ?

५ वैशाख, काठमाडौं । तीन दिनयता सुनको मूल्य स्थिर रहेको छ । नेपाल सुनचाँदी व्यवसायी महासंघका अनुसार सुनको मूल्य गत ३ वैशाखदेखि स्थिर रहेको छ ।

महासंघका अनुसार मंगलबार छापावाल सुनको प्रतितोला मूल्य १ लाख १० हजार र तेजावी सुनको मूल्य १ लाख ९ हजार ५ सय रुपैयाँ तोकिएको छ ।

३० चैत २०७९ मा छापावाल सुनको प्रतितोला मूल्य १ लाख १० हजार ८ सय र तेजावी सुनको मूल्य १ लाख १० हजार २५० रुपैयाँ तोकिएको थियो ।

मंगलबार चाँदीको मूल्य भने प्रतितोला १५ रुपैयाँले घटेको छ । मंगलबार चाँदीको प्रतितोला मूल्य १ हजार ४३५ रुपैयाँ तोकिएको छ । सोमबार चाँदीको प्रतितोला मूल्य १ हजार ४५० रुपैयाँ तोकिएको थियो ।