+
+

८० वर्षका बाइडेन फेरि अमेरिकाको राष्ट्रपतिमा उठ्ने

अनलाइनखबर अनलाइनखबर
२०८० वैशाख १२ गते १६:३८

१२ वैशाख, काठमाडौं । अमेरिकी राष्ट्रपति जो बाइडेनले सन् २०२४ मा हुने राष्ट्रपति निर्वाचनमा पुनः उम्मेदवारी दिने घोषणा गरेका छन् ।

बाइडेनले मंगलबार एक भिडियो सार्वजनिक गर्दै राष्ट्रपतिको उम्मेदवारका लागि औपचारिक अभियान सुरु गरेका छन् । डेमोक्र्याटले बाइडेनले दोश्रो कार्यकालका लागि दावी गर्ने संकेत गर्दै आइरहेको थियो ।

बाइडेनले स्वतन्त्रता र अधिकार खतरामा रहेको परेको भन्दै उनले भने, ‘यो सन्तुष्ट हुने समय होइन, त्यसैले म दौडिरहेको छु ।’

८० वर्षीय बाइडेन अमेरिकी इतिहासकै सबैभन्दा वृद्ध राष्ट्रपति हुन् । सन् २०२४ मा हुने चुनाव जितेमा २०२९ मा दोस्रो पूर्ण कार्यकालपछि उनी ८६ वर्षका हुनेछन् ।

‘अमेरिकी भावनाको पुनर्स्थापन’ गर्ने वाचा गरेका उनले सन् २०२० को चुनावमा रिपब्लिकन उम्मेदवार डोनाल्ड ट्रम्पलाई हराएका थिए ।

‘जब म चार वर्षअघि राष्ट्रपतिको लागि दौडेको थिएँ, मैले भनें कि हामी अमेरिकी भावनाको लडाइँमा छौं, र हामी अझै पनि छौं,’ बाइडेनले तीन मिनेटको भिडियोमा भने ।

डेमोक्र्याटिक उम्मेदवारीका लागि उनीसँग अहिलेसम्म कुनै प्रमुख प्रतिद्वन्द्वी छैनन् अर्थात् पार्टीमा उनको उम्मेदवारीको सहज बाटो निश्चित छ । तर पनि उमेरका कारण उनी राष्ट्रपतिमा दोहोरिनु हुन्न भन्ने मत भने डेमोक्र्याटिक भित्रै रहेको बीबीसीले जनाएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?