१७० वस्तुमा भ्याट र ३४० वस्तुमा अन्तःशुल्क छुट खारेज

१५ जेठ, काठमाडौं । सरकारले छुट तथा सहुलियत व्यवस्थामा पुनरवलोकन गरी कराधार विस्तार गर्न भन्दै मूल्य अभिवृद्धि कर र अन्तःशुल्कका ३४० छुटका दर खारेज गरेको छ ।

सोमबार संसदमा आगामी आर्थिक वर्ष २०८०/८१ को बजेट प्रस्तुत गर्दै अर्थमन्त्री डा. प्रकाशशरण महतले यस्तो घोषणा गरेका हुन् । करको आधार बढाउने उदेश्य अनुसार सरकारले ती वस्तुहरुको भ्याट र अन्तःशुल्क छुट दर खारेज गरेको हो ।