पहिरोको प्रतिनिधिमूलक तस्वीर ।
१४ साउन, गुल्मी । गुल्मीमा सिँचाइका लागि कुलो खन्ने क्रममा पहिरोमा पुरिएर तीन जना घाइते भएका छन् ।
जिल्लाको सत्यवती गाउँपालिका- २ स्थित चेहमी सिँचाइ कुलो खन्ने क्रममा पहिरो खस्दा पुरिएर तीनजना घाइते भएको जिल्ला प्रहरी कार्यालय गुल्मीका प्रहरी नायब उपरीक्षक डीएसपी डिल्लीनारायण पाण्डेले बताए ।
पहिरोमा पुरिएर घाइते हुनेहरुमा सत्यवती-२ चेहेमीकी ६८ वर्षकी भगवती कुँवर, ४६ वर्षकी लक्ष्मी दर्जी, ४१ वर्षकी प्रेमकला कुँवर रहेका छन् । उनीहरुको हात र खुट्टामा चोट लागेको प्रहरीले जनाएको छ ।
स्थानीय वासिन्दाले उद्दार गरेर तीनै जना घाइतेलाई उपचारका लागि पाल्पाको मिसन अस्पताल पठाएको डीएसपी पाण्डेले बताए । उनीहरु कुलोमा खसेको पहिरो पन्छाउन गएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
.png)
.png)
ट्रेन्डिङ
Advertisment
प्रतिक्रिया 4