१७ साउन, काठमाडौं । एसिया रग्वीको आयोजना तथा नेपाल रग्वी संघको व्यवस्थापनमा भदौ पहिलो साता एशिया रग्वी यू–२० सेभेन्स महिला तथा पुरुष प्रतियोगिता काठमाडौंमा हुने भएको छ ।
संघले बुधबार पत्रकार सम्मेलन गरि २०२३ भाद्र २ र ३ गते त्रिपुरेश्वरस्थित रंगशालामा प्रतियोगिता आयोजना हुने जानकारी दिएको हो ।
प्रतियोगितामा पुरुषतर्फ नेपालसहित भारत, थाइल्याण्ड, मलेसिया, चाइनिज ताइपेइ, हङ्गकङ्ग, उज्वेकिस्तान गरि ७ राष्ट्रको सहभागिता रहने छ ।
महिलातर्फ नेपाल, थाइल्याण्ड र मलेसियाको सहभागिता रहने छ ।
प्रतियोगिता लिग कम नकआउटका आधारमा हुने छ । लिगमा पहिलो र दोश्रो हुने टिमकाबीच फाइनल हुने छ ।
७२ लाख अनुमानित लागत रहेको प्रतियोगिताको विजयी टिमले एसिया रग्वीको ट्रफी प्राप्त गर्नेछन् ।
प्रतियोगितालाई एसिया रग्वी संघमा आवद्ध ३५ राष्ट्रले पनि प्रत्यक्ष प्रसारण गर्ने पत्रकार सम्मेलनमा जानकारी गराइयो ।
नेपालको तयारी
नेपाली टोलीले यस प्रतियोगिताका लागि श्रीलंकन प्रशिक्षक विजेलाथ सेनको प्रशिक्षणमा पोखरामा प्रशिक्षण लिइरहेको संघका महासचिव गोविन्द घिमिरेले जानकारी गराए ।
नेपाल रग्वी संघ र गोक्योबीच एक आपसमा सहयोग गर्ने गरि सम्झौता पनि भएको छ ।
गोक्योले रग्वी खेलाडीहरुका लागि खेल पोशाक, ट्रयाक सुट र खेल सामग्री उपलब्ध गराउने छ भने भक्तपुर इन्टरनेशनल हस्पिटलले यस प्रतियोगितामा हस्पिटल पार्टनरको भूमिका निर्वाह गर्नेछ ।
प्रतिक्रिया 4