नेताहरुले पूर्व राष्ट्रपति भण्डारीलाई भेटेको विषयमा ओलीले के भने ?

२८ साउन, काठमाडौं । नेकपा एमालेका अध्यक्ष केपी शर्मा ओलीले पूर्व राष्ट्रपति विद्यादेवी भण्डारीलाई पार्टीका नेताहरुले भेट्नु सामान्य भएको बताएका छन् ।

एमालेले आइतबार आयोजना गरेको पत्रकार सम्मेलनमा ओलीले आफूले पनि भेटेको बताए । राष्ट्रपति बन्नुअघि पार्टीको उपाध्यक्ष नै रहेकाले भेट्नु स्वाभाविक भएको बताए ।

‘हामीमध्ये कसैले भेट्नु, कुरा गर्नु ठूलो कुरा होइन नि । विष्णु पौडेलजीले मात्र होइन, मैले पनि कुरा गरेको छु, अरुले पनि कुरा गर्नुभएको छ’ उनले भने, ‘यस्तो विषयलाई कार्ड छपाएर लिएर जानुभयो रे त, पार्टीमा आइदिनुपर्यो भनेर निम्ता गर्नुभयो भन्ने यो खालको प्रयासहरुलाई मलजल नगर्दा राम्रो हुन्छ ।’