सिरहा नापी कार्यालयका अमिन १० हजार घुससहित पक्राउ

६ भदौ, काठमाडौं । सिरहा नापी कार्यालयका अमिन दिपरञ्जन यादव १० हजार रुपैयाँ घुससहित पक्राउ परेका छन् ।

जग्गाधनी पुर्जा बनाउने क्रममा सेवाग्राहीसँग घुस लिएको अवस्थामा अख्तियार दुरुपयोग अनुसन्धान आयोगको कार्यालय, बर्दिवास कार्यालयको टोलीले पक्राउ गरेको अख्तियारका प्रवक्ता भोला दाहालले जानकारी दिए ।

उनीमाथि अनुसन्धान भइरहेको अख्तियारले जनाएको छ ।