जीउ रङ्ग्याउने अनौठो प्रतियोगिता (तस्वीरसहित)

संसारमा अनेक खालका प्रतियोगिताहरु हुन्छन् । जसमध्ये युरोपेली मुलुक अष्ट्रियामा हुने विश्व बडी पेन्टिंग फेस्टिभल पनि एक हो ।

यो फेस्टिभलका क्रममा ४० भन्दा धेरै देशबाट आएका सहभागीहरुले जीउ तथा अनुहारमा पेन्टिङ गर्ने प्रतिस्पर्धामा भाग लिन्छन् र विजेताले अवार्ड प्राप्त गर्दछन् ।

प्रतियोगीहरुले मेकअप, परावैजनी इफेक्ट्स तथा स्पेसल इफेक्ट्सको साथ आफ्ना उत्कृष्ट कला तयार गर्नका लागि अनुहार तथा शरीरका बाँकी हिस्सालाई क्यानभासको रुपमा रंगाउँछन् ।

यो मेलाले कैयन् कलाप्रेमीहरुलाई विभिन्न प्रदर्शनी, कार्यशाला तथा डेमोमा भाग लिन वा बडी सर्कसमा भाग लिनका लागि समेत मञ्च प्रदान गर्दछ । यो एउटा यस्तो कार्यक्रम हो जहाँ पाहुनाहरुलाई समेत सरीर पेन्ट, मास्क तथा मेकअप लुक्सवाला सबैखाले अनौठा पहिरन लगाउने मौका प्राप्त हुन्छ ।

सन् १९९० को दशकको अन्त्यमा अष्ट्रियाली एलेक्स बेरेन्ड्रेटको नजर सन् १९७० को दशककी जर्मन मोडेल भेरुस्काको फेसन तस्वीरमाथि पर्‍यो, जसमा सिरदेखि पाउसम्म रङले पोतिएको थियो । उनी उत्सुक थिए, तथापि उनको कलाको रुपलाई मानिसहरु सामु ल्याउनमा असफल रहे । त्यसैले सन् १९९८ मा उनले यसलाई युरोपमै पहिलो शरीर पेन्टिङ फेस्टिवलको रुपमा ल्याउने निधो गरे ।

world bodypainting festival अिष्ट्रियाको दक्षिणी सहर क्लागेनर्फटमा आयोजना गरिन्छ । प्रतिस्पर्धीहरु यहाँ ब्रस, स्पन्ज, एयरब्रसिंगको सहायताले प्रतिस्पर्धा गर्दछन् ।

यस कार्यक्रममा एक संगीत मेला, खाना बजार तथा मूख्य प्रतिस्पर्धा सुरु हुनुअघि एक हप्तासम्म कार्यशालाहरु समेत हुन्छन् ।