नाडामा महिन्द्राका लोकप्रिय गाडीका नयाँ भर्सन

३१ भदौ, काठमाडौं । नेपालमा कमर्सियल गाडीहरुको बिक्रीमा आफ्नो छुट्टै पहिचान बनाएको अग्नि ग्रुपले नाडा अटो शो २०२३ मा महिन्द्राका चारवटा नयाँ गाडीहरु सार्वजनिक गरेको छ । अटो शोमा महिन्द्राका कमर्सियल प्यासेन्जर सेगमेन्टमा निकै रुचाइएका स्कोरपियो क्लासिक, स्कोरपियो एन, एक्सयूभी ७०० र एक्सयूभी ३०० प्रदर्शन गरिएको छ ।

अग्निका सेल्स म्यानेजर अनुप श्रेष्ठका अनुसार नाडामा महिन्द्राका गाडीमा उपभोक्ताको आकर्षण निकै राम्रो पाइएको छ । अटो शोको चौथो दिनसम्म महिन्द्राका गाडीहरुको बिक्री तथा बुकिङ राम्रो भएको उनले बताए ।

उत्कृष्ट विशेषता, सुरक्षामा विश्वकै पाँचतारे रेटिङ जस्ता कारणले महिन्द्राका गाडीमा उपभोक्ता झुम्मिएको श्रेष्ठले बताए । ‘नाडामा महिन्द्राका गाडीहरुको बुकिङ उल्लेख्य छ,’ श्रेष्ठले भने, ‘महिन्द्राका गाडीको मजबुत सुरक्षा विशेषताका कारण पनि हाम्रा गाडीहरुमाथि उपभोक्ताको विश्वास धेरै छ ।’

स्कोरपियो  क्लासिक

सन् २०२२ को अन्तिममा विश्व बजारमा लन्च गरिएको यो स्कोरपियो यसअघिको मोडलको तुलनामा ब्याकलाइट, फ्लड लाइट, डीआरएलमा परिवर्तन गरी झनै आकर्षक बनाएर बजारमा ल्याइएको छ ।

यही सेगमेन्टको बिग ड्याडी पनि भनिने फरक भेरियण्टको स्कोरपियो पनि नाडाको आकर्षण भएको सेल्स म्यानेजर अनुप श्रेष्ठले बताए । नयाँ स्कोरपियोको मूल्य टु ह्वील ड्राइभमा ८१ लाख ५० हजारबाट सुरु हुन्छ भने फोर ह्वीलरको मूल्य ९० लाखबाट सुरु हुन्छ ।

यो जेड ५ र जेड ८ दुवै भेरियन्टमा आउँछ । श्रेष्ठका अनुसार यसअघिका सबै उच्चस्तरीय विशेषताका अलवा सुरक्षा फिचर्समा निकै रुपान्तर गरेर यी स्कोरपियो नेपाली बजारमा आएका छन् ।

स्कोरपियो एन

महिन्द्राको आधिकारिक बिक्रेता अग्नि ग्रुपले बजारमा ल्याएको नयाँ स्कोरपियो पनि नाडा अटो शोको नयाँ आकर्षण हो । कम्पनीका अनुसार यस पटकको अटो शोमा यो स्कोरपियोको बिक्री बुकिङ राम्रो छ ।