सुदूरपश्चिमको मुख्य न्यायाधिवक्तामा अधिवक्ता जोशी नियुक्त

९ असोज, धनगढी । सुदूरपश्चिम प्रदेशको मुख्य न्यायाधिवक्तामा अधिवक्ता ठेकेन्द्रराज जोशीलाई नियुक्त गरिएको छ ।

मंगलबार प्रदेश सरकारको सिफारिसमा प्रदेश प्रमुख देवराज जोशीले जोशीलाई मुख्य न्यायाधिवक्तामा नियुक्त गरेका हुन् ।

जोशीलाई माओवादी नेतृत्वको तत्कालीन सरकारले मुख्य न्यायाधिवक्तामा नियुक्त गरेका कुुलानन्द उपाध्यायले राजीनामा दिएपछि नियुक्त गरिएको हो ।

प्रदेश प्रमुखको कार्यालयले नेपालको संविधानको १६० को उपधारा २ बमोजिम जोशीलाई मुख्य न्यायाधिवक्तामा नियुक्त गरेको जनाएको छ ।

धनगढी उपमहानगरपालिका–२ स्थायी ठेगाना भएका अधिवक्ता जोशी २०५८ सालदेखि कानून व्यवसायीको रूपमा काम गर्दै आएका थिए ।

उनी कैलाली जिल्ला अदालत बार एसोसिएशनमा समेत आवरुद्ध थिए ।