आज कतिमा भइरहेको छ सुनचाँदीको कारोबार ?

२८ असोज, काठमाडौं । आइतबार सुन र चाँदीको मूल्य स्थिर रहेको छ । नेपाल सुनचाँदी व्यवसायी महासंघकाअनुसार ठूलो कारोबार हुने भएकाले शनिबार पनि सुन र चाँदीको मूल्य तोकिएको थियो ।

शुक्रबारको तुलनामा शनिबार सुनको मूल्य तोलामा २ हजार ९ सय रुपैयाँ र चाँदी तोलामा ४५ रुपैयाँले बढेको थियो । तर, आइतबार सुन चाँदीको कारोबार शनिबारकै मूल्यमा भइरहेको महासंघले जनाएको ।

आइतबार छावाला सुनकाे प्रतितोला मूल्य १ लाख १३ हजार र तेजावी सुनको मूल्य एक लाख १२ हजार ४५० रुपैयाँ तोकिएको छ ।

शुक्रबार छापावाल सुनको प्रतितोला मूल्य एक लाख १० हजार एक सय र तेजावी सुनको मूल्य एक लाख ९ हजार ५५० रुपैयाँ तोकिएको थियो ।

आइतबार चाँदीको प्रतितोला मूल्य १ हजार ३९० रुपैयाँ तोकिएको छ । शुक्रबार चाँदीको प्रतितोला मूल्य १ हजार ३४५ रुपैयाँ तोकिएको थियो ।