काठमाडौं महानगरपालिकाले गर्‍यो ११ स्रोत शिक्षक नियुक्तिको सिफारिस

२५ मंसिर, काठमाडौं । काठमाडौं महानगरपालिकाले स्रोत शिक्षक पदपूर्तिका लागि नतिजा प्रकाशन गरेको छ ।

महानगरपालिकाको शिक्षा विभागले सनिबार लिखित तथा प्रयोगात्मक परीक्षा र आइतबार भएको अन्तरवार्ताको प्राप्ताङ्कका आधारमा नतिजा प्रकाशन गरेको जनाएको छ ।

स्रोत शिक्षक छनौट समितिले नियुक्तिका लागि सिफारिस समेत गरिसकेको छ ।

११ स्रोत शिक्षक पदका लागि प्रयोगात्मक परीक्षामा गुणस्तर सुधार योजनाको मूल्याङ्कन, प्रस्तुतीकरण र कम्प्युटर सिपको परीक्षण गरिएको थियो ।

गणित विषयमा ३ पद, नेपाली, अंग्रेजी, विज्ञान र सामाजिक विषयमा २/२ पदका लागि गरिएको विज्ञापनमा गणित विषयमा ११ जना, नेपाली विषयमा ४ जना, अंग्रेजी विषयमा ५ जना, विज्ञान विषयमा ४ जना र सामाजिक विषयमा ८ जनाले आवेदन परेको थियो ।

सिफारिसमा परेकाहरुको नामावली हेर्नुहोस्: