नेपाल पुनर्बीमा र नागरिक लगानी कोषको संस्थापक सेयर लिलामी बिक्रीमा

१८ फागुन, काठमाडौं । सिद्धार्थ प्रिमियर इन्स्योरेन्सले आफ्नो स्वामित्वमा रहेको नेपाल पुनर्बीमा कम्पनी र नागरिक लगानी कोषको संस्थापक सेयर लिलामी बिक्रीमा ल्याएको छ ।

पुनर्बीमा कम्पनीको २० लाख ७३ हजार ४४६ कित्ता र कोषको २ लाख ३९ हजार ३७ कित्ता सेयर बिक्रीमा ल्याएको हो । विद्यमान संस्थापकहरुले पुनर्बीमाको सेयरमा प्रतिकित्ता २८० रुपैयाँभन्दा माथि हुनेगरी शिलबन्दी बोलपत्र आवेदन दिन सक्नेछन् । न्यूनतम सबै कित्ताका लागि आवेदन दिनुपर्ने बिक्री प्रवन्धक एनएमबी क्यापिटलले जनाएको छ ।

त्यस्तै कोषको सेयरमा न्यूनतम ७८० रुपैयाँ मूल्य कायम हुनेगरी शिलबन्दी बोलपत्र आवेदन दिनुपर्नेछ । क्यापिटलका अनुसार कोषको सेयरमा न्यूनतम १५ हजार कित्ताका लागि आवेदन दिनुपर्नेछ ।